جيش العراق

جيش العراق جيش المحبه و الحب
 
الرئيسيةس .و .جالأعضاءالمجموعاتالتسجيلدخول

شاطر | 
 

 زهيريات ومواوييل ايبجن

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mahmood chachan jumah
عريف
عريف


ذكر
عدد الرسائل : 26
العمر : 25
العمل/الترفيه : طالب
المزاج : متقلب متفائل سعيد اذا الله راد
تاريخ التسجيل : 22/04/2008

مُساهمةموضوع: زهيريات ومواوييل ايبجن   السبت أبريل 26, 2008 10:30 pm

وياك راح العمر بالحلوة والمُرَّه
وما راح من عمرنا ما عاد بالمره
ولو كنت تزعل علي مره بعد مره
وأرضيك وأرضى عليك وبلب على حالي
من يوم لازم يجي وأكون أنا لحالي
ما كن عشنا سوى بالمر والحالي
ومن فات ما مرني معقول أنا أمره
اضيفت بواسطة:الشاعر/ د. شائم الهمزاني | البريد الالكتروني: shaham4@gmail.com

عباس شمره علي وحملاته لازمهه
والرايه بي تفتخر بيمينه لازمهه
يالتكصد لحضرته كضاي لازمهه
ولو زعل راعي الوفه تجدح عيونه يمر
بالنهروان العسل بالريج خلاه يمر
والزلم عالكنطره من كدر منهه يمر
من يعبر الكنطره وعباس لازمهه
اضيفت بواسطة:عمار الطائي | البريد الالكتروني: ammar.muslim@iraqiaf.org

بجروحي العب لعب بس هالجرح خله
وياوكت بس يلجم راد الكلب خله
ومن كثر ظيم الهوى صاب العكل خله
ما اعتب اعلى الوكت وياك جي ما طاب
بس اعتب اعلى الجدم حيف اعله بيتك طاب
داويت جرحه بدي واتعبني لمن طاب ومن صار بيه الجرح حفنه ملح خله
اضيفت بواسطة:للشاعر المبدع عادل محسن | البريد الالكتروني: ammar.muslim@iraqiaf.org

محلاها شمس الصبح كل يوم بالجامعه
الحسن بيها قمم من كل حلو جامعه
وان جان حبك قسم حبي الك جامعه

الحسن كله الك يا بو قسم ترجمه
نظرات عينك حجر يا هو اليجي ترجمه
نظرات عينك حجي ارجوك وك ترجمه

تدري لوما عيونك ما اجي واطب الجامعه
اضيفت بواسطة:حبيبة روحي (جامعة البصره) | البريد الالكتروني: iraqiina_2007@yahoo.com

لملمنة وكتي بحزن وبضيم بس لمنة
ناشدت رب العراش بالبيت بس لمنة
يا طير مر بشوك وسلم لي بس لأمنة
وخبرها إني بوجل ويخــــلص ليلي بعن
وصوج الليالي السود لأيام العسر باعن
الله يومن داهموني شناظرتني بعيـــــن
خاطب الفكر الكبر وكال بس لمنة


تأليف في قلب المعتقل
اضيفت بواسطة:أحمد الصالح ناحية الشورة | البريد الالكتروني: ahmd.motr@yahoo.com

چــانت أشواگي وياك جد ماظنيت وديه ..
وأدفعت لعيونك حياتي وعيوني وديه ..
وردت أحظنك بلهفه بروحي وديه ..
ومن مديت أيديه ماردن ..
وحرت ليش ماأجن وجواب ماردن ..
وأتضح شافن منك الويل وماردن ..
وإنك بصدك گطعت كَلبي وادية
اضيفت بواسطة:Sweet‏ ‏‎ ‎Heart | البريد الالكتروني: Alimj_85@yahoo.com

بحر الهجر مايلك بحر الوفا مايلي
وآنه بهواك أعتقد غاية وطمع مايلي
ياصاحبي إنجانك ذكي إعرب إلي مايلي
لوكان جابت خبر ينّصب لو ينضّم
لو سر حجالك محب ينفضح لو ينضم
العاشرك يا ترف ينسعد لو ينضم
الحمل يبقى أعوج لو ينعدل مايلي
اضيفت بواسطة:طــــــائــر الحــب | البريد الالكتروني: freeman11002000@yahoo.com

ضنيت حبك من الاحزان سلم لي
سلمتو كلبي عذاب وضيم سلملي
مادام انتى يا ساهى العين سالم لي
اي خلها تجر علي باضيم كصابة
فدوة لشعرك عليهاتاوك كصابة
انت لعيونك شبيه السيف كصابة
والي بهواهن يكع ان طاب سلملي
اضيفت بواسطة:القناص | البريد الالكتروني: لا يوجد

ترف من لونك غارن كل الخضر
ولشوفك من الدمع صارن زياكي خضر
مرات احشم النبي ومرات احشم الخضر
يجمع شملنا مع الشوك وهدم حيلي
وبعيني من هالبشر غيرو فلا حالي
بلا ماكتلني وهدم حيلي ولعب بحالي
غير النواعي الشكر اهل العيون الخضر
اضيفت بواسطة:رائد الحزين | البريد الالكتروني: raed_001985@yahoo.com

رد الى الأخ ثامر السويداوي

مالان عندك گلب يابوش تالينه
اسمع حجينه بعقل وافعال تالينه
وليه نذل لاتظن هيهات تالينه
والچان طايش كبل من شاف فعلك عكل
شكيت ثوب الشرف وتريد نلبس عكل
لو ناخذ بثارنه وبشرف نلبس عكل
لو نتبركع حيه ونسوان تالينه
اضيفت بواسطة:احمد المحمدي | البريد الالكتروني: لا يوجد

منهو ظعيف البخت الكال منحبك
واحنا عطاشة ونروم الماي من حبك
واحنا الزراعنه كلبنا ورد من حبك
واصبح دليلي كطن بيه الليالي اندفن
وخل الجروح ينزفن ترن وندفن
وان جاك مرة خبر ان الحزين اندفن
اعلم باني متت يازين من حبك
اضيفت بواسطة:دلشاد العراقي الكردي | البريد الالكتروني: dilshad315@yahoo.com

اني دخلت الجيش مني بصغر منصبه
امر سريتي انقتل وتقلدت منصبه
ولت غبار المعركه ونسم علينا الصبه
وينصرنا هو على العدو للحمد والمنه
الماقاتل ويانه العدو والله مو منه
ولو انجرح مية جرح للوطن مو منه
ولتقيس انته الرجل بنجماته وبمنصبه
اضيفت بواسطة:ثامر السويداوي | البريد الالكتروني: ali_sh987@yahoo.com

اشتاك الك ياظريف الطول واللاني
وانسى هواك ان ذاب الحجر واللاني
ان چان الدهر يوليف الجهل واللاني
الن اجازيك عن ذاك التعب بالراح
وماهي غبيه مكانك بالحشى بالراح
اصبر وانااصبر ودع ماصابنا بالراح
وشوف الدهر يستذل ياصاح واللاني
اضيفت بواسطة:ثامر السويداوي | البريد الالكتروني: ali_sh987@yahoo.com

يابحر الاوهام ليمت انا اصل ساحلك
والعب بكيفك علي ماني صرت ساحلك
ياما بشوك الجفن دم ودمع ساحلك
وانته بدليلي تزت ارماح واحرابي
وياما لاجلك حملت شتاي وحر ابي
الدهر عليه يحجي معلن حرابي
ويكول ماجوز منك ساحلك ساحلك
اضيفت بواسطة:ثامر السويداوي | البريد الالكتروني: ali_sh987@yahoo.com

وصفك من الحور لكن بخيال ادماي
واني بثكلي لحيكم خففت يدماي
وكل لحظه بسنين لسه والجرح يدماي
ومراچب اهواك مايوم لجرفي لچن
وانا من يوم فرگاك لاضلل يحويني لچن
والصبر دابي ولاعندي لجاجه لچن
شد التصاويب لاشامتي يشوف دماي
اضيفت بواسطة:ثامر السويداوي | البريد الالكتروني: ali_sh987@yahoo.com

يروح ليلي يدرج الهاجسي ويعن
ودوم يتذكر بگول الي مضو ويعن
ان ردت تحضه بكواعب قاصرات وعين
اصبر عليهم ولو بيضامرك خلان
الي مجربين گالو يافتى خلان
ان طاب وكتك تجد كل الملأ خلان
وعند الشدايد نوادر من يگف ويعين
اضيفت بواسطة:ثامر السويداوي | البريد الالكتروني: ali_sh987@yahoo.com

كطعتي هذا الكلب بوصال مره انتي
ومرنتي كلبي على الهجران مرن تي
وردنى تمرين بشوك مره انتي
وما ردنه منج ذهب بس شوف وجهجج بس
ونحيل بمواصلج ليما عرضنه يبس
حلوه وشبيهة كمر وعيون تسحر بس
مره انتي رغم الحلاة البيج مره انتي

هذا البيت الى الاخ العزيز مصطفى الحديثي
اضيفت بواسطة:بكر الحديثي | البريد الالكتروني: bkr_20092009@yahoo.com

نزاح منه الحزن والقهر ظل الهم
وسنين واكف بعز تموز ظل الهم
عافوك عز الخلك ياگلب ظل الهم
عوز ومرارة وجرعت سموم في دلهم
وما يحبونك اذا متجيب فا دالهم
افديت عمري وحياتي وروحي فدوة الهم
وضليت بس الجسد وگليبي ظل الهم
اضيفت بواسطة:احمد المحمدي | البريد الالكتروني: لا يوجد

ليش الدهر ياوطن عليك القهر زاده جرعك مره والامر من جرعك زاده مسكين ياهلوطن بس الصبر زاده من عين زعل الامل لامو فقط زلماي ومن طحت ياموطني وعشمت يازلماي اهل الكراسي خذت خارطتك لزلماي وما ادري اسمك صبح زلماي لو زاده
اضيفت بواسطة:اسير الغربه | البريد الالكتروني: amar_iraq_1987@yahoo.com

ايام سعدك يبين الدهر مالهن
سير سفنهن على بحر الشكا مالهن
ذن اليالي صديق من البشر مالهن
هذا رفعنهوذاك للعدم موصل
بعد المعزه كطعن حبل الوداد وصل
استعن على الصار بالصبر الجميل وصل
هن الذي يوم الحشر للعبد مالهن
اضيفت بواسطة:ثامر محمد صالح السويداوي | البريد الالكتروني: a7_x8@yahoo.com
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.iraqws.com/
Beckham.x
قائد قوات جيش العراق
قائد قوات جيش العراق
avatar

ذكر
عدد الرسائل : 328
العمر : 28
الموقع : www.iraqi-army.your-board.com
العمل/الترفيه : شاعر و ملحن مبتدأ و لاعب كمال اجسام
المزاج : تعبان والبنات يدوخن (حب ماكو)
تاريخ التسجيل : 12/04/2008

مُساهمةموضوع: رد: زهيريات ومواوييل ايبجن   الإثنين مايو 05, 2008 10:31 pm

تسلم ورده عاشت ايدك

_________________
كيف أمحوك من أوراق ذاكرتي
وأنت في القلب مثل النقش في الحجرِ
أنا احبك يامن تسكنين دمي
إن كنتِ في الصين
أو إن كنتِ في القمرِ ..
كاظم الساهر قيصر العرب
ايميلي هلا بكل الي يدخلون kaisralhooob@yahoo.com
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بطة
قائدة فرقه حواء
قائدة فرقه حواء
avatar

انثى
عدد الرسائل : 572
العمر : 32
تاريخ التسجيل : 27/05/2008

مُساهمةموضوع: رد: زهيريات ومواوييل ايبجن   الأحد يونيو 01, 2008 12:27 am

مشكووووووووووور
عاشت ايدك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
زهيريات ومواوييل ايبجن
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
جيش العراق :: الفيلق الادبي :: فرقة الشعر الشعبي-
انتقل الى: